Ändlich hett’s klappt und Torpedo Bataflafla, unseri gmischti Mannschaft, hett s Glygge Grimpeli 2015 gwunne. Wie nach dr Vorrundi isch me au nach dr Zwüscherundi uff em erschte Platz gsi und hett sich dodrmit fir dr Halbfinal kenne qualifiziere. Dert hett me denn nach ere 1:0 Fiehrig no dr Ussglych miesse hinää und dodrmit isch d Entschaidig im Penaltyschiesse gfalle. Die erschte zwai Penalty hett dr Thomas ghebbt und dr Sämi und Luki hänn ihri baide souverän verwandlet.

 

Dr Final isch denn ganz grosses Kino gsi; me hett aigentlig s ganze Spiel im Griff ka, aber aifach kai Goal gschosse. Alli hänn sich scho uff e neggschts Penaltyschiesse ygstellt wo d Flavia in allerletschter Sekunde (dr Speaker hett scho gruefe “Schiri – Achtung”) dr Siegträffer erzielt hett.

 

Härzliggi Gratulation an Torpedo Bataflafla!