Skip to Content

Allgemein, Anlässe

Herrebummel vo de Opti-Mischte am 9. Novämber 2019

11. November 2019 von Thomas Strähl

Dr Iiladig vom Thomas sin 21 Stamm- und Ewigi-Mitglieder nooch koo. Nit schlächt gstuunt hän mir alli, het doch dr Thomas die ganzi Sach högscht professionell mit 4 Dartschiibe vorbereitet. Dr Wettbewärb isch mit vier Grubbe gstartet. Vo Aafang a isch d’Wettkampfspannig gross gsi. Zem Glügg het me zwischeduure zur Beruegig au no näbscht ere wunderbare Guacamole glaineri Fingerfood-Sache kenne ins Muul stegge. Die drey Beschte vo jedere Grubbe sind in Zwischerunde ko. Dernoo hets e Viertelfinal  und e Halbfinal gä. (dr Schryyber hets als Verträter vo de EO sogar in Halbfinal gschafft). Dr Final isch vom Didier und em Matthias Santschi bestritte worde. Kurz vor de siebeni z’Oobe hän mir dr Matthias als Sieger  gfyyrt.

Es isch nadürlig glar gsi, ass au niemer verdurschte und verhungere het miesse. Dr Thomas het fir alles gsorgt und immer wider frischi Pizza uss em Oofe ghoolt.

Es isch e super Noomidaag und Oobe gsi. Vyyle härzlige Dangg für d’Organisation.

Hansruedi